العناية فروة الرأس هي مفتاح حصولك على شعر أطول وأكتر لمعان، لأننا غالبًا بنهمل العناية بفروة الرأس بالرغم من أنها هي الأساس اللي ينمو منه الشعر، بكل بساطة الشعر الصحي بيبدأ من فروة رأس سليمة.

في المقال دي هنجاوبك على مجموعة أسئلة، كيفية العناية بفروة الرأس؟ ازاي تعتني بيها؟ ليه اصلاً العناية بفروة الرأس مهمة؟ وكل اللي هتحتاجي تعرفيه بالأضافة لأفضل روتين للعناية بيها وأفضل المنتجات لشعر صحي.

أنواع فروة الرأس

في البداية ممكن تفتكري أن جلد فروة الرأس بيختلف اختلاف كبير عن الجلد في باقي الجسم، بس في الواقع تشبه فروة الرأس من الناحية التشريحية بقية بشرتك، بس بكثافة إضافية لأنها بتتكون من خمس طبقات مختلفة من الأنسجة على عكس بقية بشرتنا بتحتوي على ثلاث طبقات بس وبتحتوي كمان على العديد من الغدد الدهنية ومئات الألاف من بصيلات الشعر.

وإنتاج الزهم (المعروف بإسم الزيت) بيحصل بواسطة الغدد الدهنية في كل بصيلة وبيساعد ده على ترطيب الشعر والجلد المحيط به.

مهم تعرفي أن في أكتر من نوع لفروة الرأس، وتحديدك لنوع فروة رأسك هيخليكي تقدري تحددي المنتجات المناسبة ليكي أكتر.

في 3 أنواع لفروة الرأس:

1- فروة الرأس العادية:

ودي بتحتوي على كمية متوازنة من إنتاج الزيوت ومش هتواجهي أي مخاوف بشأن النوع ده من فروة الرأس، بس مهم تعتني بيها عشان متتأثرش وطبيعتها تتغير.

2- فروة الرأس الدهنية:

أولاً فروة الرأس مش مرتبطة بنوع شعرك، فممكن تكون فروة الرأس دهنية لشعر جاف، وفي الوقت ده ممكن تكوني بتستخدمي شامبو مرطب للشعر الجاف واللي ممكن يضر الفروة الدهنية والعكس صحيح، بس في بعض الحلول اللي ممكن تتبعيها لو فروة رأسك دهنية وهي:

• لو كان شعرك دهني فمهم تنظيف فروة الرأس باستخدام شامبو للشعر الدهني عشان تتخلصي من الدهون الزيادة.

• لو كان شعرك جاف فحاولي:

- توقفي استخدام شامبو الشعر الدهني يومياً، لأن ده هيضر الشعر وهيسبب جفافه ويفقده لمعانه.

- تختاري شامبو لطيف على الشعر وفي نفس الوقت فعّال في تنظيف فروة الرأس، ويفضل اختيار شامبو بيحتوي على حمض اللاكتيك بالأضافة لمرطبات زي الجليسرين، ودوري على مكونات زي زيت شجرة الشاي وحمض الساليسيليك.

- تغسلي شعرك لفترة أقل وتركزي الشامبو على فروة الرأس وكميات قليلة جداً على خصلات الشعر.

- تحافظي على ترطيب الشعر باستخدام البلسم، وتجنبي لمسه لفروة الرأس، وده بأنك تجففي شعرك من الماء بعد غسله بالشامبو، وحطي البلسم من المنتصف للأطراف واتركيه لمدة من دقيقتين ل 3 دقايق.

- تجربي حمام الزيت زي زيت جوز الهند على الأطراف بس وتجنبي لمسه للفروة، واستخدمي من أربع إلى ست قطرات من الزيت وافركيهم في ايدك وحطيهم على طول الشعر واشطفيه بعد 30 دقيقة.

3- فروة الرأس الجافة:

• ودي بتكون نتيجة لأن في غدد زيتية مش بتفرز الزيوت بشكل طبيعي، وده ممكن يكون سببه:

• الوراثة.

• استخدام الشامبو لفترات طويلة من غير ترطيب فروة الرأس.

• التعرض للعوامل الجوية المختلفة.

• استخدام مجفف الشعر بشكل مكثف.

• الإكزيما.

• الصدفية.

• التهاب الجلد المثي.

بس تقدري تستعيدي صحة فروة الرأس الجافة وتخليها قادرة على إفراز الزيوت الطبيعية من جديد، وده بأنك:

• تغسلي مرة لمرتين في الأسبوع بس.

• تستخدمي الزيوت اللي بتساعد على تهدئة وترطيب وتقليل الالتهاب.

• تتبعي حمية غذائية متوازنة.

• تجنبي استخدام منتجات العناية بالشعر اللي بتحتوي على مواد كيميائية ضارة.

• تحافظي على تناول بعض المكملات الغذائية زي فيتامين ب والسيلينيوم والزنك وأوميجا 3.

بالأضافة لعلاج أسباب فروة الرأس الجافة زي الأكزيما والصدفية.

كيفية العناية بفروة الرأس؟

في الأول مهم تعرفي فروة رأسك محتاجة لعناية إضافية ولا لأ، وبيكون في شوية علامات بتدل على صحة فروة الرأس السيئة هي:

• الجفاف.

• الحكة.

• التهيج.

• قشرة الرأس.

• تساقط الشعر.

• الأحمرار.

• ألم.

• الشعر الخفيف.

لو واجهت أي مشكلة من دول فتعديل بسيط لروتين العناية بالشعر يمكن أن يسبب فرق كبير، ومهم تعالجي الحالات والأعراض الشديدة من خلال طبيب الجلدية.

وتقدري تهتمي بفروة رأسك عن طريق شوية نصايح:

• تجنبي الإفراط في غسل الشعر لأن ده ممكن يزيل الزيوت الطبيعية اللي بتنتجها فروة رأسك، وده ممكن أن يخليها جافة وعرضة للتهيج، بس ممكن يشجع فروة الرأس عشان تنتج المزيد لتعويض الزيوت المفقودة وده هينتج شعر دهني يفتقر للمعان.

• خففي الشامبو ببعض المايه، لأن وضع الشامبو مباشرة على فروة الرأس بيزود من فرص التراكم الكيميائي وبيكون أكتر قسوة على بصيلات الشعر، وتخفيفه هيخفف من تأثير الشامبو، وده بيساعد شعرك على النمو بشكل أسرع.

• تجنبي وضع البلسم على فروة الرأس مباشرة، لأنه بيحتوي على مواد كيميائية قاسية وده ممكن تضعف بصيلات الشعر، وده بيوقف نمو الشعر، عشان كده وزعي البلسم على منتصف وأطراف شعرك، واشطفيه بعد 2 أو 3 دقايق.

• دلكي فروة رأسك بانتظام لتنشيط الدورة الدموية, لأن كل ما كانت الدورة الدموية أفضل كل ما كان شعرك أفضل.

• تجنبي أدوات التصفيف بالحرارة لحماية فروة الرأس.

• حافظي على العلاج بالترطيب العميق على فترات منتظمة لتغذية فروة الرأس.

• تجنبي تزييت شعرك، لو بتعاني من أي مشاكل في فروة الرأس زي قشرة الرأس.

• حافظي على إتباع نظام غذائي صحي متوازن غني بالفيتامينات والمعادن الهامة للحصول على فروة رأس صحية.

• استشيري طبيب لو بتعاني من نقص الفيتامينات وأمراض الغدة الدرقية لأنهم سبب رئيسي لمشاكل فروة الرأس.

• تجنبي التعرض المفرط لأشعة الشمس، لأنها ممكن تسبب الإصابة بالحروق أو ترفع من خطر الإصابة بسرطان الجلد.

• تجنبي استخدام صبغات الشعر وتنعيمه بالمواد الكيميائية.

• استخدمي منتجات العناية بالشعر الخالية من الكبريتات والمواد الكيميائية القاسية، لأن ده هيشيل الزيوت الطبيعية من الفروة كمان ممكن يسبب تهيج في الجلد.

• استخدمي علاج مخصص لفروة الرأس، لأن ده بيساعد على تقشير فروة الرأس وعلاجها وإعادة توازنها, وده هيجعلها في أفضل حالاتها.

ومن أفضل أمثلة منتجات العناية بفروة الرأس:

• شامبو برو أوت

• مقشر فروة الرأس من كيراستاس

• سيروم فروة الرأس من سيسلي 

• مقشر فروة الرأس من بريوجيو

• زيت فروة الرأس من موروكان اويل

• مقشر فروة الرأس OUAI Scalp & Body Scrub

• مقشر فروة الرأس CHRISTOPHE ROBIN Cleansing Purifying Scrub With Sea Salt

• ماسك فروة الرأس OMOROVICZA Revitalising Scalp Mask

• ماسك فروة الرأس PHILIP KINGSLEY Flaky Itchy Scalp Mask

• ماسك فروة الرأس AVEDA Invati Advanced Intensive Hair & Scalp Masque

• غسول فروة الرأس AMIKA Reset Pink Charcoal Scalp Cleansing Oil

• زيت فروة الرأس من او جي اكس OGX Extra Strength Refreshing Scalp + Tea Tree Mint Scalp Treatment

• مقشر فروة الرأس DRUNK ELEPHANT T.L.C. Happi Scalp Scrub

فروة رأسك دي مجرد امتداد لوشك وعشان كده هي كمان عُرضة للتهيج والحكة والجفاف وأظهرت الدراسات أن فروة رأس صحية ومتوازنة هي مفتاح لشعر صحي، وفروة الرأس الصحية بتؤدي لتقليل تكسر الشعر وتساقطه ونمو شعر جديد وأقوى وأكثر لمعاناً.

وده لأن فروة الرأس الغير صحية بتؤدي لمشاكل كتير زي الأكزيما والتهاب الجلد، والمشاكل دي بتتزامن مع تكسر الشعر والشعر الخشن وفقدان لمعان الشعر ومن أكتر مشاكل فروة الرأس الغير صحية هي قشرة الرأس.

قشرة الرأس: 

دي حالة شائعة بتسبب احمرار وحكة في الجلد، وبتكون القشرة في صورة طبقة بيضا أو رمادية على الفروة، وبتحصل بسبب:

• إلتهاب الجلد الدهني.

• التينيا.

• الإكزيما.

• إلتهاب الجلد التماسي.

• الصدفية.

• عدم غسل الشعر بالشامبو بشكل منتظم.

• جفاف الجلد.

• التحسس من منتجات العناية بالشعر.

وممكن تكون حالة صعبة العلاج, وفي أوقات ممكن علاجها باستخدام الشامبو والمنتجات اللي مش بتحتاج وصفة طبية، بس في أوقات تانية الموضوع ممكن يحتاج استشارات حول العلاجات الأفضل.

في مواد مهم تتوفر في الشامبو اللي هتختاريه لعلاج القشرة:

• بيريثيون الزنك والمعروف أكثر باسم ديرمازينك.

• كبريتيد السيلينيوم.

• كيتوكونازول.

• قطران الفحم.

• حمض الساليسيليك.

ومن أفضل أنواع الشامبو اللي ممكن تستخدميها لعلاج القشرة:

• شامبو هيد اند شولدرز.

• شامبو نيتروجينا تي-جل (Neutrogena T\Gel)

• شامبو فيشي ديركوس للقشرة.

• سلسن بلو شامبو.

• سيلينو كير شامبو.

• شامبو نيزورال للقشرة.

• نيزابكس شامبو كيتوكونازول.

• شامبو داندل.

مهم تعرفي أن مع الوقت المنتجات دي ممكن تفقد فعاليتها وممكن تصلحي ده بأنك تبدلي المنتجات كل كام شهر.

References

https://thehairsociety.org/the-importance-of-taking-care-of-the-scalp/

https://www.allure.com/story/the-science-of-beauty-the-complete-guide-to-scalp-care

https://www.pinkvilla.com/fashion/beauty/9-essential-tips-take-care-your-scalp-healthy-and-problem-free-hair-578707

https://www.realsimple.com/beauty-fashion/hair/hair-care/scalp-types