ثقتك بتبدأ بشعر صحي ولامع، عشان كده أنتي محتاجة لروتين للعناية بشعرك وتحافظي على صحته وتستخدميله منتجات مفيدة.

ولحسن الحظ  شعرك مش محتاج للاهتمام كل يوم، وتقدري تقومي بتفاصيل معينة في روتين العناية بالشعر مرة أو مرتين بس في الأسبوع.

وفي المقال دي هنعرفك الروتين الصحيح والمناسب لنوع شعرك، بالأضافة للمنتجات المناسبة له، وهنقدملك نصايح تساعدك على الاستمتاع بشعر صحي.

روتين العناية بالشعر

روتين العناية بشعرك بيحتوي على شوية خطوات مهمة وبيعتمد تكرار الخطوات دي على نوع شعرك وأسلوب حياتك.

١- اعرفي نوع شعرك:

كل شخص شعره مختلف عن التاني وغالبًا بيحتاج للعلاج والعناية بطرق مختلفة، وتقدري تعرفي نوع شعرك بأنك تسيبي شعرك كام يوم من غير ما تستخدمي أي منتجات، وفي الوقت ده هتكتشفي نوع شعرك إذا كان:

   • زيتي.

   • مجعد.

   • جاف.

   • طبيعي.

   • مموج.

   • مستقيم.

   • متعرج.

   • سميك.

٢- حددي مسامية شعرك:

أول حاجة مسامية الشعر هي قدرة الشعر على امتصاص الرطوبة والاحتفاظ بيها، وبتحتاجي تعرفي درجة مسامية شعرك عشان تحددي الروتين المناسب للعناية بيه.

في 3 درجات لمسامية الشعر:

   • الشعر منخفض المسامية.

   • الشعر معتدل المسامية.

   • الشعر عالي المسامية.

والسؤال هنا: إزاي تعرفي درجة مسامية شعرك؟

من أسهل الطرق هي طريقة الطفو وخطواتها هي:

   • اغسلي شعرك بالشامبو واشطفيه لإزالة أي تراكمات عليه.

   • استخدمي كوب مليان بالمايه وأول ما يكون شعرك نضيف وجاف حطي خصلة واحدة منه في الكوب.

   • راقبي الخصلة لعدة دقايق وبيكون متوقع:

   • لو الخصلة كانت بتطفو لفوق فكده محتمل يكون شعرك منخفض المسامية.

   • لو الخصلة كانت بتطفو في مكان في نص الكوب فمن المحتمل يكون شعرك متوسط المسامية.

   • لو غرفت الخصلة بسرعة في قاع الكوب فاحتمال يكون شعرك عالي المسامية.

    بمجرد تحديد نوع شعرك ودرجة مساميته، بيتم تحديد كل احتياجات شعرك بداية من غسله للمنتجات المناسبة له.

خطوات روتين العناية بشعرك:

١- غسل الشعر:

كتير مننا بيفتكر أن شعرنا محتاج يتغسل يوميًا، بس في الحقيقة معظم أنواع الشعر بتحتاج غسيل كل يومين أو ٣ مرات في الأسبوع بس، بشكل عام الناس اللي شعرهم ناعم أملس هيحتاجوا للغسيل عدد مرات أكتر من الأشخاص اللي شعرهم كثيف أو مجعد أو مموج.

   • الشعر الجاف: بيحتاج أن يتغسل كل 3 أيام.

   • الشعر الدهني: حاولي تغسليه كل يومين، لكن لو شعرك كان دهني بشكل كبير فوقتها هيحتاج أنه يتغسل كل يوم، وممكن تستخدمي الشامبو الجاف بين الغسلات عشان تساعد على امتصاص بعض الزيت.

   • الشعر العادي: بيحتاج يتغسل كل يومين أو 3 أيام.

نصايح صغيرة لغسيل الشعر:

   • مفيش عدد مثالي لمقدار غسل الشعر، بس راقبي شعرك واغسليه لما تحسي أنه محتاج، عشان لما بتغسليه كتير ده بيمنع ترميم الزيوت الطبيعية لشعرك وده بيضره.

   • مهم تتجنبي تغسلي شعرك بالمايه الساخنة لأن ممكن المايه الساخنة تزيل الزيوت من الشعر، لأن الزيوت دي  بتشتغل كبلسم طبيعي لشعرك. 

   • غسيل الشعر بالمايه الفاترة هيمنع فقدان اللمعان الطبيعي لشعرك وتجنب البهتان.

٢- تمشيط الشعر:

ودي من أهم خطوات العناية بالشعر، لأنها بتوزع الزيوت الطبيعية بالتساوي في الشعر، كمان بتعزز النمو الصحي للشعر وبتحافظ على لمعانه.

وأحسن طريقة لتمشيط الشعر إنك تستخدمي المشط واسع الأسنان ده أفضل طريقة لإزالة أي عقد في الشعر، ابدأي من نهاية أطراف الشعر لغاية ما توصلي لفروة الرأس.

٣- قص الشعر:

قصي شعرك بانتظام، لأن عدم قصه لفترات طويلة هيخليه يظهر تالف ومش صحي، فحافظي على قصه كل 3 شهور لأن ده هيساهم في زيادة طوله وهيخلصك من تشابكه.

٤- منتجات العناية بالشعر:

نصايح مهمة لاختيار شامبو الشعر المناسب ليكي:

   • اختاري شامبو مرطب خالي من الكبريتات، لأن ده أفضل لصحة شعرك وفروة الرأس على المدى الطويل.

   • استخدمي أطراف صوابعك لعمل رغوة على فروة الرأس بدل ما تستخدمي ضوافرك.

   • حطي كميات قليلة من الشامبو وحركيه حركات دائرية.

   • دلكي فروة الرأس لأن ده هيزود تدفق الدم في الرأس، بالتالي هيحفز نمو الشعر ويمنحه لمعان بفضل الزيوت الطبيعية.

   • عشان تقدري تختاري الشامبو المناسب ليكي على حسب نوع شعرك واحتياجاته، هنقولك على مجموعة من أفضل منتجات العناية بالشعر اللي هتساعدك:

أفضل شامبو للشعر الجاف والخشن:

   • شامبو لوريال الذهبي للشعر الجاف.

   • فيتو شامبو للشهر الجاف.

   • شامبو لوفيا بزبدة الشيا.

أفضل شامبو للشعر الدهني:

   • شامبو فارماسيرز.

   • فيتشي شامبو للشعر الدهني.

   • شامبو سيوس.

   • شامبو هير اكس.

أفضل شامبو طبي للشعر المصاب بالقشرة:

   • شامبو نيزورال.

   • شامبو نيزابكس.

   • شامبو سيلينجينا.

أفضل شامبو لتساقط الشعر وتكثيفه:

   • شامبو فارماسيرز لتساقط الشعر.

   • شامبو لوريال الفيف لتساقط الشعر.

   • شامبو تريسمي لتساقط الشعر.

   • شامبو بانتين لتساقط الشعر.

   • شامبو دوف لتساقط الشعر.

   • شامبو bioblas لتساقط الشعر.

أفضل شامبو للشعر خالي من المواد الكيميائية:

   • شامبو يونكس.

   • شامبو إيفري ستراند.

   • شامبو زيرو فريز.

أفضل شامبو للشعر المعالج بالبروتين:

   • gk شامبو بدون صوديوم.

   • كين شامبو للشعر المعالج بالبروتين.

   • شامبو هير كومباني للشعر المعالج بالبروتين.

نصايح مهمة لاختيار بلسم الشعر المناسب ليكي:

ترطيب شعرك باستخدام البلسم مهم لأن ده هيساعد على استعادة الزيوت الطبيعية اللي بيحتاجها الشعر، بس تجنبي تحطي البلسم على جذور الشعر لأن ده ممكن يزود من دهنية شعرك.

استخدمي بلسم منعم للشعر بعد غسل شعرك بالشامبو عشان تحافظي على رطوبة ونظافة شعرك وتعتني بيه.

 تقدري تحددي نوعية وكمية منعم الشعر على حسب خصائص شعرك، ومن أفضل أنواع البلسم اللي ممكن تختاري منها:

   • Verb Ghost Conditioner بلسم مناسب لجميع أنواع الشعر.

   • Sachajuan normal hair conditioner بلسم مناسب للشعر العادي.

   • Oribe hair conditioner للمعان الشعر.

   • Malin + Goetz Cilantro بلسم خفيف الوزن.

   • كيلز بلسم بالأحماض الأمينية وهو بلسم خفيف الوزن.

   • يوفورا بلسم للشعر الجاف وللاصلاح والترميم السريع.

   • اولابلكس بلسم رقم 5 بوند Bond Maintenance بلسم منعم للشعر التالف.

   • دافينز بلسم تنعيم الشعر بخلاصة الزيتون للشعر الخسن.

   • آر + كو بلسم لون الأحجار الكريمة للشعر المصبوغ.

   • كيراستاس بلسم بلوند ابسولو سيكافلاش للشعر الاشقر.

نصايح مهمة عند استخدامك لبلسم الشعر:

١- اختاري بلسم مناسب لنوع شعرك، فلو شعرك جاف فأنتي محتاجة لبلسم مرطب، ولو شعرك دهني فأنتي محتاجة بلسم خفيف الوزن.

٢- حطي البلسم على الشعر المبلل، اتخلصي من المايه الزيادة اللي على شعرك، وحطيه من بداية طول الشعر لغاية أطرافه وسيبيه لمدة دقيقتين قبل ما تشطفيه بالمايه البارده.

٣- استخدمي مشط واسع الأسنان لتمشيط شعرك برفق بعد ما تحطي البلسم عشان توزيعه بالتساوي.

نصايح مهمة لاختيار سيرم الشعر المناسب ليكي

استخدمي سيرم الشعر قبل استخدام أدوات التصفيف عشان تحافظي على صحة شعرك قدر الإمكان من الحرارة.

والسيرم ده منتج سائل بيحتوي عادةً على السيليكون، اللي بيوفر طبقة واقية بتغطي الشعر وده بيساعد في تنعيم الشعر وبيمنحه مظهر لامع غير دهني وبيخلي تصفيف الشعر أسهل وبيحميه من التلف اللي بيحصل بسبب الحرارة.

ومن أفضل أنواع السيرم على حسب نوع شعرك:

أفضل سيرم للشعر الجاف والهايش:

   • سيرم تريتو Treato hair serum.

   • زيرو فريز سيرم Zero frizz hair serum.

   • سيرم لوفيا Lovea hair serum.

   • سيرم كريستال للتقصف.

   • سيرم لوريال للشعر الجاف.

أفضل سيرم للشعر الجاف والمتقصف والتالف:

   • روزاليا سيرم للشعر الجاف Rozalia hair serum.

   • فيتال سيرم للشعر قبل الاستشوار vital care hair serum.

   • سيرم فاتيكا للشعر المتقصف والتالف.

   • دابر املا سيرم للشعر المتقصف.

   • سيرم بردهان الهندي Pradhan hair serum.

أفضل سيرم للشعر المجعد:

   • سيروليز سيرم Seroleze hair serum.

   • سيرم Chi  للشعر.

أفضل سيرم للشعر الخفيف:

   • فلوكسيا سيرم Floxia hair serum.

   • سيرم بروس Pross hair serum.

   • سيروبايب سيرم.

   • تريس سيرم مقوي للشعر Tress hair serum.

   • أليجون سيرم Alejon hair serum.

أفضل سيرم للشعر بعد البروتين:

   • كيراستاس سيرم للشعر منخفض المسامية.

   • سيرم فيولا Viola hair serum.

   • سيرم جليس Gliss oil elixir.

أفضل سيرم للشعر المصبوغ:

   • سيرم جي كي GK hair serum.

   • تريسمي سيرم للشعر بالكيراتين.

   • سيرم إي كيراتين لحماية الشعر.

علاجات الشعر:

في ٥ أنواع من العلاجات اللي ممكن تزوديها لروتينك، عشان تمنحي شعرك عناية إضافية:

   • العلاج بالأقنعة.

   • العلاج بالزيت.

   • علاج فروة الرأس.

   • العلاج بالبروتين.

   • العلاج بالمكملات الغذائية.

وده لأن علاجات الشعر المنتظمة هتساعدك في علاج مشاكل معينة بتتعلق بالشعر زي التلف والجفاف وفروة الرأس الدهنية والقشرية أو الجافة وهتحسن المظهر العام لشعرك وصحته.

• العلاج بالأقنعة: حطي كمية وفيرة من ماسك الشعر بالعسل على شعرك من الجذور للأطراف، وسيبيه لمدة 5-7 دقايق وبعد كده اشطفيه كويس بالمايه الباردة.

• علاج فروة الرأس: تقشير فروة الرأس هيساعد على فتح المسام وتحفيز الدورة الدموية وتهدئة مشاكل زي الحكة، استخدميه مرة أو مرتين في الشهر.

• العلاج بالزيت: قسمي شعرك لنصين وحطي على كل نص زيت الشعر المشبع بالعسل وغطي الشعر كله، وسيبيه يمتص لبضع ساعات وبعد كده اغسليه ونضفيه برفق.

• العلاج بالبروتين: مثلًا بيحتاج الشعر المجعد لجرعة إضافية من البروتين.

• العلاج بالمكملات الغذائية: وده لأن الفيتامينات والمعادن مهمة جداً لصحة شعرك فمثلًا:

   - الحديد: بيعتبر مصدر مهم لحياة الشعر، فلو بتعاني من أنيميا نقص الحديد فده بيأثر على نمو الشعر.

   - فيتامين A: ضروري لإنتاج زيوت الشعر الطبيعية.

   - فيتامين C: بيساعد على إنتاج الكولاجين وبيقوي الشعر.

   - أوميجا 3: ضروري لترطيب وصحة فروة الرأس.

توفير حماية أضافية للشعر:

بالأضافة لروتينك الأساسي، شعرك بيحتاج لحماية إضافية عشان كده هنقولك على شوية نصايح إضافية عن الحاجات اللي ممكن تعمليها عشان تحسني صحة شعرك:

١- تجنبي استخدام الصبغات: 

لأن صبغة الشعر بتحتوي على المواد الكيميائية اللي ممكن تضر شعرك ولو اتكررت كتير فتقريبًا مستحيل تصلحي الضرر ده، بس لو احتاجتي تصبغيه يبقى في حدود 3 درجات من لونه الطبيعي.

٢- احمي شعرك من الشمس: 

لأن التعرّض المفرط للشمس ممكن يسبب جفاف لشعرك، خاصةً لو شعرك مصبوغ، فحاولي تغطي شعرك بقبعة أو تستخدمي مثبت الشعر بحماية SPF.

٣- تجنبي تربطي شعرك بشدة: 

لأن ده ممكن يسبب تلف شعرك وتقصفه، بس ممكن تعمليه على شكل ديل حصان وسيبيه طول الليل من غير ما تربطيه.

٤- خلي شعرك يجف في الهوا من غير استخدام أي مجففات للشعر: 

لأن حرارة المجفف ممكن تضر بصيلات الشعر وده هيسبب جفافه وتلفه، بس لو احتاجتي تستخدمي مجفف للشعر فاختاري مجفف يسمح باستخدام البرودة أكتر.

٥- تجنبي العبث بشعرك باستمرار: 

لأن شعرك بيحتوي على زيوت طبيعية، وايدك كمان عشان كده لما تلمسي شعرك باستمرار أو تحريكه ده ممكن يزود من الزيوت دي في شعرك وده هيخليه يظهر دهني أكتر، وعشان تتجنبي ده فأحسن حل هو إنك تعملي قصة شعرك تعرفي تتحكمي فيها وبالتالي مش هيزعجك طول اليوم.

6- حافظي على استخدام العلاجات الطبيعية لشعرك، ومن أفضلها:

   • زيت الزيتون: لأن زيت الزيتون الدافي بيرطل الشعر الجاف، حطيه على شعرك وسيبيه لمدة 45 دقيقة وبعد كده اغسليه بالشامبو واشطفيه.

   • الشاي: بيدي لشعرك لمعان وبيحسن لونه الطبيعي، اشطفي شعرك بالشاي اللي بيتوافق مع لون شعرك الطبيعي فمثلًا الشاي الأسود للسمراوات، وشاي البابونج للشقراوات، والأحسن تستخدميه بعد شطف الشامبو.

   • زيت جوز الهند: بيشتغل كبلسم طبيعي، حطي زيت جوز الهند الساخن على الشعر وسيبيه لمدة 30 دقيقة وبعد كده اشطفيه بالشامبو.

   • العسل: وهو مرطب طبيعي هيقوي بصيلات الشعر، ممكن تخلطي مقادير متساوية من العسل والشامبو وبعد كده اشطفيه.

7- اهتمي ببقية جسمك

عشان تحصلي على شعر صحي فإنتي محتاجة جسم صحي، وده معناه تحافظي على تناول الطعام الصحي المتوازن والحصول على العناصر الغذائية اللي جسمك محتاجها، لأن الشعر جزء من جسمك ومحتاج بعض العناصر الغذائية عشان يحافظ على نموه وقوته.

 أمثلة للعناصر الغذائية اللي بيحتاجها شعرك، والأطعمة اللي موجودة فيها:

   • الأحماض الدهنية الأساسية: موجودة في زيت بذور الكتان والسلمون والتونة والجوز واللوز.

   • فيتامين ب 6: موجودة في الموز والبطاطس والسبانخ.

   • البروتين: موجود في السمك والدجاج والبيض ومنتجات الصويا.

   • حمض الفوليك: موجود في الفواكه والخضراوات الطازجة, خاصةً الحمضيات والحبوب الكاملة والفول والعدس.

8- حافظي على شرب كميات كبيرة من المايه في اليوم.

9- ابعدي عن التوتر لأنه له دور مهم في مشاكل الشعر زي التساقط.

في النهاية ترتيب الروتين الخاص بيكي هو مفتاح العناية بشعرك والحفاظ على نعومته ونموه.

ومهم تعرفي أنك مش هتلاحظي أي نتايج على طول، بالرغم أن فيه أقنعة ومنتجات تصفيف معينة ليها تأثير ممكن تلاحظيه فورًا.

بس شعرك بياخد وقت في أنه يتعود على المنتجات الجديدة، وبتختلف استجابة الشعر للمنتجات على حسب نوعه، والأساس هو تكرار الاستخدام والأفضل استشارة متخصص لأنه مفيش قواعد لعدد مرات استخدام كل منتج.

ومهم تعرفي أن مع الوقت احتياجات شعرك تتغير بشكل طبيعي، وممكن الهرمونات كمان تغير الشعر فمثلًا: 

في الحمل ممكن يسبب زيادة هرمون الاستروجين إبطاء تساقط الشعر وده بيخلي الشعر يظهر أكثر كثافة ولمعان، بس لما بيقل مستوى الهرمون بعد الولادة ممكن وقتها يحصل تساقط للشعر.

فأنك تلاحظي التغييرات دي وتستجيبي ليها بشكل مناسب بيساعدك تحافظي على صحة شعرك، فالقاعدة الأساسية أنك تبدلي المنتجات مع تغيير الفصول فممكن تحتاجي تغيري روتينك في أوقات معينة من السنة.

فلما يبدأ فصل الشتاء هتحتاجي تختاري منتجات بخصائص مرطبة إضافية، وهيفضل تستخدمي كريمات سميكة.

لكن في فصل الصيف هتختاري التركيبات خفيفة الوزن عشان تساعدي شعرك أنه يواجه الرطوبة.

Reference:

https://www.healthline.com/health/beauty-skin-care/hair-care-routine#underlying-factors

https://gisou.com/blogs/blog/hair-care-routine-steps

https://www.wikihow.com/Start-a-Hair-Care-Routine